ཨ་འགྲིག་ཆ་འགྲིག

ཨ་འགྲིག་ཆ་འགྲིག (གཞས་ཚིག)

ཉི་ཟླ་ཨ་འགྲིག་ཆ་འགྲིག།།
སྐར་ཆེན་སྐར་ཆུང་ཡང་འགྲིག།།
དགུང་ལ་འགྲིག་རྒྱུ་བྱུང་ན།།
དྲོ་འཇམ་འོད་སྣང་སེར་པོ།།
གླིང་བཞིའི་རྒྱན་དུ་ཤར་ཆོག།།

ཕ་མ་ཨ་འགྲིག་ཆ་འགྲིག།།
བུ་ཆུང་བུ་མོ་ཡང་འགྲིག།།
ཁྱིམ་ལ་འགྲིག་རྒྱུ་བྱུང་ན།།
ལྷན་འཛོམས་དུས་ཀྱི་དགའ་སྟོན།།
ཡང་ནས་ཡང་དུ་རོལ་ཆོག།།

བུ་མོ་ལགས། སྒྲོལ་དཀར་ལྷ་མོ།

བུ་མོ་ལགས། སྒྲོལ་དཀར་ལྷ་མོ། (གཞས་ཚིག)

ཆར་བ་སིམ་སིམ་འབབ་པའི་ཉིན་མོ་ཞིག་ལ།

རླུང་བུ་ཟ་ཟི་གཡུག་པའི་ཉིན་མོ་ཞིག་ལ།

གློ་བུར་འཕྲད་པའི་བུ་མོ་སྒྲོལ་དཀར་ལྷ་མོར།

བརྩེ་བའི་མིག་ཞགས་ཐོག་མ་ལྷོད་ཀྱིས་འཕངས་ནས།

དགའ་བའི་འཛུམ་མདངས་ཐོག་མ་ངང་གིས་བསྟན་ཡོད།

བུ་མོ་ལགས། སྒྲོལ་དཀར་ལྷ་མོ།

ང་ཡི་སེམས་ནས་དགའ་སའི་མེ་ཏོག་ཡིན།

ང་ཡི་ཡིད་ནས་དུངས་སའི་མཛའ་མོ་ཡིན།

ང་ཡིས་དྭངས་གཙང་བརྩེ་སེམས་ཁྱོད་ལ་འབུལ་དུས།

ཁྱོད་ཀྱིས་འགྱུར་མེད་དམ་བཅའ་ང་ལ་བཅོལ་བྱུང།

ཁྱོད་ནི་ང་ཡི་ཡོད་ཚད་ཡིན།

ང་ནི་ཁྱོད་ཀྱི་ཡོངས་རྗོགས་ཡིན།

ཨོ་་་་སྙིང་སྡུག་སྒྲོལ་དཀར་ལྷ་མོ།

ཁྱོད་ནི་ང་ཡི་སྙིང་གི་ཚིལ་ལུ་དཀར་པོ།